البنات عايزه ايه ؟؟

ملحوظه:هذا المقال مقال ساخر في معظمه هدفه اني احاول ارسم بسمه صغيره تاهت مننا وسط الاحداث الكئيبه اللي بنعيشها احترامي الكامل وتقديري لكل بنت قادره تعيش في وسط الظروف دي ولسه قادره تدرس وتشتغل وتحب احترامي للكائن الرقيق الراقي اللي مدي معني لحياتنا النص الحلو الام والاخت والزوجه والحبيبه والزميله احترامي لبنات جيل الثوره اللي بميت راجل
*************
ده طبعا سؤال محوري وسؤال مهم جدا هيا البنات عايزه ايه ؟؟بمعني ايه هي الحاجات اللي البنت محتاجه تشوفها وتحسها في الولد عشان تحبه ويعجبها؟؟ شايفك ياللي اتعدلت قدام شاشه اللابتوب وانت ياللي فتحت عينك اوي وبدات تركز قدام شاشه اللابتوب والاستاذ اللي في الاخر اللي قرر يعمل سيف للمقال علشان علشان يراجع الكلام المكتوب فيه كل يوم الصبح قبل ما ينزل وينفذه احب اطمنكم واطمن امثالكم ان حتي البنات نفسها مش عارفه هي عايزه ايه ؟ممكن حضرتك تعمل تجربه معمليه بسيطه عن اي بنت تعرفها اسالها وقولها ايه هي مواصفات فتي احلامك هتقولك مثلا طويل خليك فاكر بقي اجابتها وممكن تعملها ريميندر علي الموبايل يرن كل سنه وتابع البنت دي واراهنك هتلقيها في الاخر اتجوزت واحد اقصر منها وهكذا بقي اعمل التجربه علي باقي اللي تعرفهم هتلاقي الاجابات في سكه والواقع في سكه تانيه خالص
انا كمان عملت التجربه دي والحمد لله طلعت بشويه اجابات مشتركه بين معظم البنات وقررت اني اكتب الاجابات دي بطريقه منظمه كده يمكن نقدر نطلع منها بحاجه وده طبعا عشم ابليس في الجنه لان نيوتن بجلاله قدره عاش يخترع ويعمل نظريات وقبل ما يموت قال "انا جاوبت علي معظم الاسئله والمعضلات العلميه اللي قابلتني في حياتي وقدرت اعمل نظريات واكتشافات يستفيد منها اجيال جايه الا سؤال واحد مقدرتش اجاوب عليه wha women want ?? "
يلا كده نشوف انا فهمت ايه يمكن اعرف اجاوب علي السوال ويطلعلي ولد في اخر المقال ويقولي "عليا النعمه انت اجدع من نيوتن"
- طوله : الطول ده عليه اجماع من كل البنات ودي صفه موثره جدا ومفيهاش هزار يعني من 180 سم وانت طالع انت بوب وللاسف الموضوع ده مش نسبي عند البنات يعني حتي لو هيا حاجه كده 155 وهوا طويل بحيث انها لو مشيت جنبه هيكونوا رقم 10 مفيش مشاكل اهم حاجه يكون طويل ومن هنا احب ابعت رساله حب وتقدير لكل شبابنا المناضل علي الجبهه اللي مبيطولش ماسوره المترو ولا بيعرف يناول صاحبته الدبدوب اللي علي اخر رف وهما في محل الهدايا نضالكم ده لن تنساه الاجيال القادمه يا ولاد
2-سماره : مش عايز حد يتفاجئ اللون الاسمر بتاع اسر ياسين هو الدرجه المفضله للبنات كلهم ويا سلام بقي لو الشعر خشن زي شعر اسر ياسين او لو بتحلقه علي واحد وتقصره كده زي ما اسر ياسين بيعمل ساعات عايز اقولكم ان البنات بتعتبر الولاد البيض الملونين دول ولاد طراي كده وسيس الي ان يثبت العكس وان البنات بتعتبر اسر ياسين ......لا كفايه كده علي النقطه دي علشان محدش يفهمني غلط ويعتبرني انا كمان معجب باسر ياسين.
3-جزمته : مع الاعتذار يعني لجزمته البنت من دول ترفع نظرها كده وتشوف عودك وطولك وتلمح لونك وفجاه هووووووووب تلاقي عينها نزلت علي الشوز بتاع حضرتك وبنظره واحده ياكبير هتلاقيها عرفت الاتي ماركت الشوز ونوع الورنيش ومقاس رجلك وهل صباع رجلك التاني اطول من صباع رجلك الكبير ولا لا واحتمال كمان تكون عرفت هل انت قاصص ضوافر رجلك ولا سايبهم طوال.
الشوز بتاع جنابك بيعكس عند الست هل انت شخص مهتم بنظافته الشخصيه ولا لا ومهتم بنفسك ولا لا ؟؟ فارجوك وانا عارف ان ده صعب جدا علينا كولاد خلي بالك من شوز حضرتك ولمعه اسف يعني اني بقول لمعه انا عارف ان معظم الولاد بتكره الفقره دي ولو شوزك قديم غيره يا كبير بص خد دي مني "شخصيه الراجل تبدا من جزمته "
4- ريحته : بص بقي يا كبير انت بعد ما تتجاب كده من فوق لتحت بتبدا بعد كده واحده من اكتر الفقرات تشويقا واثاره وهي فقره الشم وعايز اقولك ان حاسه الشم عند الست قويه جدا وبتاثر فيها وفي اعجابها بالراجل جدا جدا يعني ارجوك صيف وشتا حاول تاخد شاور كده قبل ما تنزل شغك او جامعتك وعند محطه مترو رمسيس هتلاقي واحد واقف بيبيع عطور وبرفانات كده اسمه عم سمير ده ارزعه عشره جنيه هيعملك عطر اسمه "مساء الخميس " مش عارف اشمعني الخميس يعني المهم هيعجبك اوي بس يا معلم رشتين منه كده بعد الشاور وتنزل مشوارك عادي .
ارجوك مش لازم تعذب البنت من دول وتعاقبها علي حاسه شمها بريحه عرق سيادتك كفايه احنا بنتعذب بيها في عربيه الرجاله في المترو وانت رافعلي ايدك بثقه وماسك الماسوره وطالق علينا روايحك الكريمه ومستحملين وساكتين البنت ممكن تدوخ عادي وتسافر في دنيا تانيه من ريحه حضرتك خليها تدوخ وتسافر من ريحتك الحلوه وبلاش تدوخها وتديها تذكره بلا رجعه من ريحه عرق او شراب جنابك .
5- جراته : كده بقي انت دخلت في الجد يا كبير ده بعتبار يعني انك عديت من المراحل اللي فاتت ولو حتي بمقبول والمرحله دي انت لازم تتكلم فيها بلاش والنبي حركات شلل الاطفال والاعاقه والتهاب العصب الخامس  اللي هيا من نوعيه البسبسه واالغمز وفتح البق او انك تفضل باصص كده وبتضحك فتفكرك عندك بلاهه اتحرك يا سيد انت الراجل فلازم تاخدالخطوه عيب عليك انك تفضل واقف مستنيها تاخد الخطوه يا حيلتها الاسطوره تقول ان البنت بتحب الراجل الجرئ جدا .
اقولك علي حاجه كنت بعملها ايام ما كنت بتكسف لما كان بيبقي فيه واحده عاجباني وبحس يعني انها في موود لطيف ومش شايله من ناحيتي اي شوز ولا ريحه عرق ولا حاجه فكنت بغمض عيني وافكر في اي موضوع تاني ليكن مثلا افكر قد ايه انا زعلان ان الاهلي كسب الزمالك للمره العشرين علي التوالي قال يعني انا ماخدتش علي كده وافضل ماشي ناحيتها وفجاه افتح عيني الاقي نفسي قدامها وفجاه برضه بلاقي نفسي مضطر اتكلم وبلاقي الكلام جه لوحده وغالبا بتكون مبسوطه من المووف دي فاجوك متضيعش وقت او فرص اكتر من كده اتحرك واتجرا واتكلم .
6-شخصيته : بص ياعم اللي فات ده كله ممكن تطبقه وترميه في اي باسكت زباله يقابلك لانك بمجرد انك تبتدي تتكلم وشخصيتك تظهر البنت ساعتها بتشوفك حد تاني خالص بتفاصيل تانيه البنات مش زينا في حاجات كتير واهم حاجه عندهم انهم ارقي مننا شويتين يعني احنا مهم جدا بالنسبه لينا شكل البنت اللي بنرتبط بيها هما بق بالنسبه ليهم شخصيه الراجل اللي بيرتبطوا بيه بتخلقله ملامح تانيه خالص وشكل تاني غير شكله حتي لو مش اسمر ولا طويل هتشوفك اسمر وطويل اكتر من جورج كلوني نفسه المهم شخصيتك يا كبير......صحيح نسيت اقولك شخصيتك هتخلقلك ملامح تانيه بس مش هتخلقلك ريحه تانيه يعني هتتباع في لحظه يا معلم لو البيرفيوم بتاع عم سمير خلص وريحه عرقك ظهرت سوري فصلتكم يا بنات :)
7- الطموح : البنت بتحب اوي الشخص الطموح ارسم احلامك وكبر فيها علي قد ما تقدر واربطها دايما بوجود حبيبتك اكدلها انك مش هتعرف تحقق كل ده من غيرها وان وجودها هو اللي بيحركك احلامك وطموحاتك بتحدد مستوي تفكيرك وشخصيتك وحجمك في الحياه احلم ومتخافش الاحلام ببلاش احلم وحقق منها علي قد عمرك.
8-حنيته : خليك حنين معاها حنيتك بتحسها بالامان وبتحسسها بوجودها لو كلمتك رد علي تليفونك في الوقت اللي بتكلمك فيه هيا مش بتتصل علشان تعاكس جنابك او تعطل سيادتك عن مهامك الفظيعه في حمايه امن الكوكب من الكائنات المريخيه المسلحه والله محتاجاك ومحتاجه حد يطبطب عليها ويطمنها حتي لو هيا مطلبتش منك ولا قالتلك انها محتاجالك كلمتين يطمنوها وتبقي زي الفل متبقاش بخيل .
9- تناقضه : ومتسالنيش ازاي هما بيحبوا كده يحبوك حمش وبتغير عليهم ومسيطر وفي نفس ذات الوقت يحبوك لارج ومتجبرهاش انها تشيل اصحابها الولاد من الفيسبوك يحبوك عاقل ورزين وهادي ولا مصطفي محمود ويحبوك مجنون ومفرقع ولا تامر حسني في حفله الساحل يحبوك لما تكون كل حاجه وعكسها .
10- كلامه : دي بقي اهم نقطه في الموضوع االكلمه الحلوه هي اللي بتحرك البنت وتخليها تتنفس كلمه حبيبتي مش صعبه وليها مفعول السحرلا علي البنت كتر منها او اقولك متقولش غيرها اصلا تسلم ايدك وربنا يخليكي ليا ومش عارف من غيرك كنت هعيش ازاي كلمات بتنقل البنت لدنيا تانيه يا محترم البنات بيحبوا مهند وكريم وامثالهم من صعاليك الرجال علشان طول المسلسل بيقولها يا حبيبتي وبيطبطب عليها بذمتك عمرك سمعته قالها فاطمه مع ان المسلسل نفسه اسمه فاطمه تاثير الكلمه الحلوه علي ودن البنت زي بالظبط تاثير البنت الحلوه علي عين الراجل ده مثال بسيط قررت اخترعه علشان اقرب للساده الرجال تاثير الكلام علي البنت.
اخيرا الساده الرجال اللي قالبنهالنا دراما وبيشتكوا من ستاتهم وازاي حجمهم زاد واتغيروا بعد الجواز والنبي نزل عينك كده وبص علي كرشك وانت قاعد تتكلم او بص للون سنانك وشعر دقنك وريحه عرقك وشرابك وفكر للحظه كده هيا مستحملاك ازاي ومش بيقضوها شكوي زينا عزيزي الراجل ....الرجوله ادب.

 

صباحــــــــــــــــــــــك سكـــــــــــــــــــر

في صباح يومنا الاول معا سوف استيقظ قبلك لن افوت علي نفسي فرصه مشاهده ذلك الجمال الساحر النائم الكائن بجانبي فانا ولسنين طوال استيقظ لاجد وسادتي الخاليه التي ملت تفاصيلي رغم حبي وتقديري لها ملت ملامح وجهي المكتئب ملت دعائي الصباحي المتكرر يوميا (هف هوا انا لسه هعيش يوم كمان مش كفايه كده بقي ) ملت كل كلمه وكل حركه متكرره وكل استغاثه ارسلها لسيد الكون ليرحمني باختصار ملت وجودي اما اليوم فوسادتي يسكنها احد ملائكه السماء يسكنها سبب وجيه يجعلني ادعو الله كل صباح -بعد ان اري جمال خلقته في هذا الوجه- ادعوه ان يمد في عمري ليوم جديد وصباح اخر فقط لاستمتع برويه هذا الوجه سبب وجيه لاشكره عليه سبب يجعلني ابدا يومي منذ سنين بفرحه وبهجه وامل وتفاؤل سبب يجعلني اريد ان اعيش
قد اقبلك وقد لا اقبلك فانا اخشي اذا ما قبلتك ومسحت بكف يدي علي شعرك اخشي ان اقلق راحتك او ان اقطع مثلا احد احلامك الجميله لذا فاعذريني سوف نؤجل القبله قليلا ولكن لا تقلقي فهي اتيه لا محاله
سوف اسير علي اطراف اصابعي شبه عاري ساتذكر ليله مجنونه ستظل تفاصيلها معلقه بذاكرتي ساضحك ضحكه صافيه عندما اتذكر خجلك طوال الليله الماضيه تحديدا عندما ذقت طعم شفتيك للمره الاولي اعذريني ساقول لهم ان وجهك احمر خجلا وساقول لهم ايضا انك قلت لي (يا قليل الادب ) وانني اجبتك ان قله الادب لم تاتي بعد واننا لازلن في طور الادب .
ساذهب الي المطبخ الي مملكتك ساجهز لكي افطارا يليق بملكه ملكتي انا كوب من اللبن الصافي كلونك وبعض من عسل النحل كرحيقك الذي سال انهارا طوال الليل وبعض الخبز والجبن ساضعهم جميعا علي حامل معدني واتخذ طريق العوده اليك اعذريني فلن استطيع ان اتاخر عنك اكثر من ذلك حتي وان كنت في طريق عودتي اليك يا قدري ساستجدي صبري بان اتذكرك ساتذكر حين رايت غريمي الدود جسدك بالامس للمره الاولي لم اقدر ان احرك حتي رموشي خشيه ان يكون ما اعيشه حلما او ان افقد لحظه دون ان استمتع بما اراه امامي وانت لم تقدري ان ترفعي راسك عن الارض غالبا باب الخروج من تلك المواقف لا يكون الا بحضن شديد اللهجه من ذلك النوع الذي تلتقي فيه عظامنا لتلقي علي بعضها التحيه شعرت بك تذوبين بين يدي وشعرت بنهودك تنفر وتعلن عصيانها وتمردها هذا هو اول ما اعلن عصيانه فيكي كانت نهودك التي اقسمت علي الثوره علي وانها لن ترجع الا عندما تنحي عن جسدك وقد كان لها ما ارادت
تحديد عندما وصلت بتفكيري الي هذه النقطه وجدت نفسي امامك ثانيه امام ملاكي الذي ارسله لي الله ليونس وحدتي ويبدد وحشتي في هذه الدنيا الان فقط ساقبلك فانا لم اعد اقوي علي الانتظار ساضع افطار ملكتي بجانبها وسانتقل الي الجانب الاخر من السرير لا زلت لا اصدق انك هنا لذا ساستخدم يدي لانني اصبحت اكذب عيني سالمس شعرك البني الناعم الذي يستلقي بجانبك علي الوساده اعذري رعشه يدي فهي الاخري لا تصدق وجودك ساحركها علي جبهتك البيضاء وسانزل بها لالمس عينيك ورموشك اللتان فتنتاني وجعلتاني اسير بشعر اشعث وجلباب مخترق كالمجذوب ابحث عنك حتي وجدتك هانذا المس انفك الدقيق الذي لا يزال متاثرا بعلامه من اظافري جراء احدي غزوات الحب التي كانت الليله الماضيه واخيرا ساعبر باصبعي السبابه علي شفتيك سالمس اولا شفتك العليا واعبر عليها لاصل الي نهايتها واتخذ طريق العوده الوحيد الامن وهو شفتك السفلي سالمسهما مجددا وببطء فلقد اكتشفت بالامس فقط ان هناك طعما اجمل من طعم العسل الكائن بجانبك وهو طعم شفتيك .
اعتقد انك بدات تعودين لعالمنا الان بعد غيبوبه متعه نقلتك الي عالم اخر جميل فقط لانك فيه ولكن ارجوك الا تذهبي الي هناك او الي اي مكان اخر من دوني حتي وان كان هذا المكان في خيالك فانا لن اتركك بعد الان رموشك السوداء القاتله تتحرك عيناك تفتحان ببطء اعتقد ان قبله رقيقه علي جبهتك الان قد ترد اليك الباقي من وعيك وقد تبعث بك من جديد الي حيث كنتي لا اعلم فانا لم اعد اامن ردود افعالك بعد الليله الماضيه لن انسي تلك الصفعه علي كتفي لمجرد انني حاولت اقتحامك لن انساها لان هذا الاقتحام كان بناءا علي طلبك اليس هذا دليلا علي غرابه ردود افعالك ولكن رغم غرابتها فانا اعشقها واعشق كل ما فيك .
لثمت قبله حانيه علي مقدمه راسك حركت يدي علي ليل شعرك بهدوء انتظرتك حتي فتحتي عيناكي من اين لي ان اقاوم جمال عيناك من اين لي ان اصد سهامهما القاتله النافذه من اين لي وقد وقعت اسيرهما من نظره وسهم كنت اتمني ان تفتحين عيناك علي وجه اجمل مني اتمني ان اصير كل ما تودين رؤيته في هذه اللحظه اتمني ان اصير زرقه سماء صافيه في يوم شتوي دافئ اتمني ان اصير بحرا شديد الزرقه يعلو زرقته امواج بيضاء تتحرك بهدوء لتقبل الشاطئ وتموت عليه كما هو حالي معك اتمني ان اصير قوس قزح لترين امواجي المبهجه وتبتسمين حتي اتمني لو صرت ممثلك المفضل او ابننا القادم اتمني ان اصير اي شئ يسعدك ولكن تقبلي اسفي فكل ما املكه الان هو ان اهبط الي اذنك الرقيقه وان اهمس لك (احبك) ساراقب شفتيك وهما يتسعان ببطء لترتسم عليهما ابتسامه تجعلني اسعد من طالب الطب يوم تخرجه ساستسلم ليداك وهما يلتفان حول رقبتي بدلال الدنيا ويقربان وجهي منك ببطء ليصيبني دوار نتيجه عطورك الصافيه التي ذبت فيها بالامس انا الان مصير لا مخير يبدو انك لا تجيدين الرد بلغه الكلمات حين اقول لك احبك هذا ما اختبرته طوال الليله الماضيه وهذا ما تاكدت منه الان ونحن نغيب في قبله صباحيه كانت اول ما نطقت بها شفتاك قبله قد تكتفي بعدها بما عشته وتزهد في الباقي من حياتك وتقدم روحك بنفسك راضيا الي ملك الموت اذا ما اتاك يطلبها
اعتقد انني انا من ذهبت في غيبوبه هذه المره لا انت عطورك ورحيق شفتاك كان اهما تاثير اشد من زجاجه فودكا كامله لم افيق الا علي صوت ضحكتك والرقيقه وصوتك الملئ بالغنج والانوثه (انت رحت فين ؟؟ كده تسيبني لوحدي وتسرح ؟؟) ولان لكل فعل رد فعل مساو له في المقدار فانا لم اجد كلمات تعبر عما اشعر به فقط اتذكر انني رفعت عنك غطاءك لاشاهد جسدك الابيض الغض يضئ في طقم اللانجيري الاسود الذي يظهر اكثر مما يخفي والذي يزيد من عذابي كثيرا اتذكمر انني جاهدت كثيرا لاقنعك ان ترتديه واتذكر انك كنت تتمنعين بخبث انثوي غريزي جعلني اتحول الي قطعه من الزجاج المنصهر التي لا تحتاج الا الي نفخه من شفتيك لكي تتشكل كما تريدين هانذا في مرحله التشكيل والنصهار في نفس الوقت وهل لمكان انصهر فيه افضل من موضع رحمك طبعت قبله علي بطنك تماما في موضع رحمك كما درسنا في علم التشريح قبله كانت ذات مغزي قبله اعلنت لكي فيها بساطه انني لن استطيع ان انتظر اكثر من تسعه اشهر لاري هديه السماء الثانيه الي قبله ارسلتها للمجهول ارسلتها دون ان انتظر اي اجابه .
وجدتك تضحكين مره اخري وانت تنظرين الي بعيون نصف مغلقه ناعسه مليئه بالرغبه ووجدت شفتاك تتحركان بصوت كان علي اذني اشد طربا من اندلسيات فيروز وهو يهمس بدلال الانثي (عايز ولد ولا بنت ) ووجدتني اجيب وانا اسند خدي الي بطنك وانظر اليك (عايز بنوته طبعا بس تكون شبهك انتي ) نعم فانا اريد نسخه ثانيه منك المخدر تتضاعف متعته بمضاعفه الجرعه وانا ايد ان اضاعف الجرعه اريد ان اري ملاكنا الصغير يخرج من رحمك ملاكا سيجعل تشبثي بالحياه يزيد ويتضاعف يجعلني اعشق ما كرهته طوال حياتي اريد ان اراكما حولي كل ليله ان انام وانا اضعك علي يدي اليمني واحتضنها باليسري اريد ان تكون مهمتي في الحياه هي رسم البسمه علي وجهكما فقط ساعيش لارضيكما واكون خادم الفانوس الذي يصرخ لكي كل صباح (شبيك لبيك عبدك بين ايديك) اطلت نظرتي اليك هذه المره وانا اعلم انه لا وقت للنظرات وان الوقت هو وقت للحب
(احبك) وجدتني ارسلها لكي من موقعي الجديد همست بها وحركت شفتي ووجدتك تغمضين عيناك كمن حلقت عاليا جدا احست بك كطائر طال حبسه وفجاه وجد نفسه حرا طليقا كان هذا اخر ما رايته قبل ان افاجا بك تفتحين عيمناك وتشيرين لي بالسبابه ان اتي كان هذا امرا عسكريا من جهه سياديه عليا لذا كان مستحيلا ان اكسره ذهبت واقتربت منك بوجهي لاشعر بحراره جسدك واشم عطورك وتلفحني نار انفاسك الحارقه وجدتك تهمسين لشفتان مغريتان يبتزانني ( انت لو مبطلتش كلامك وحركاتك دي انا هيغمي عليا ) واجبت انا الضعيف ( وماله احنا اصلا متجوزين علشان يغمي علينا ) واغلقت فمك بقبله جديده كانت اطول قليلا من سابقتها احسست بعدها انني اظلم اجزاء اخري كثيره في جسدك بسبب اهتمامي الزائد بتدليل شفتيك دون باقيكي لذا رحت اطبع علي كل جزء منك قبله بهدوء وبطء وبعدل لم انسي اي من اجزاءك بل ارضيتها جميعا وحين رفعت راسي لاراك وجدتك في غيبوبه متعه جديده وعلي وجهك ارتسمت كل معاني امتزاج المتعه بالالم .