كلامي النهارده للبنات مش ععايز اشوف ولاد في المقال هنا خالص يلا يا حبيبي انتا وهوا كل واحد يروح يلعب قدام بيته علشان عايزين نرش قدام المحل ويلا يا بنات تعالوا اقروا المقال علشان هطلعلكم النهارده شويه اسرار رجالي كده يمكن تقدروا تفهموا الكائنات اللي اسمهم الولاد دول علشان خاطركم بس انا قررت اتنازل عن مبادئ الرجوله والصحوبيه والجدعنه في المقال ده وقررت اقولكم عن شويه حاجات كده تعرفكم وتاكدلكم هل الولد ده فعلا معجب بيكي وبيحبك ولا ولا هوا قررر انه يملا فراغ معين في حياته ويتسلي بيكي انا غالبا الولاد هيغتالوني بعد المقال ده بس اعمل ايه اكل العيش مر والرزق يحب الخفيه وعلشان خاطر اكل العيش انا قررت اني ابيع نفسي قشطه يعني.
الولد لما بيحب بيبقي عامل ازاي ؟؟ ده سوال بتساله كل البنات وقررت اجاوب عليه النهارده بالمقلوب يعني لو عمل حاجه من الحاجات دي اعرفي انه مش بيحبك .
مبدئيا كده الولد لما بيحب بيبقي نفسه يخبي اللي بيحبها دي من الدنيا كلها نفسهياخدها علي جزيره محدش يعرف اسمها اصلا ويعيشوا هما الاتنين مع بعض وبس نفسه مفيش عين تشوفها غير عينه ولا حد يفكر فيها اصلا غيره وده عكس البنت اللي لما بتحب حد بتبقي نفسها الدنيا كلها تشوفهم مع بعض وتحسدها انه اختارها هيا علشان يكملوا مع بعض فمن الاخر الولد لما هيحب مش هيجيب سيره اللي بيحبها قدام صحابه ولا هيحكي عنها لحد غير مثلا اخته او حد زي اخته مشس هيحب انها تكون شاغله تفكير حد تاني غيره فعلشان كده لو عرفتي انه جاب سيرتك قدام صحابه مثلا يبقي فاكس اعرفي ان الباشا بيتسلي.
بالنسبه بقي لموضوع الجواز فكل ولد في الدنيا بيخاف جدا من مسئوليه الجواز بس عمر ما هتلاقي ولد عنده شجاعه انه يقول كده دايما هيتقمص شخصيه انا قدها وقدود بس هوا من جواه مرعوب من مجرد فكره انه يشيل مسئوليه حد تاني علشان كده لما تفتحي معاه الموضوع ده هتلاقيه مقلق كده ومحتاج تشجيع محتاج لمسه كده تطمنه وتقوله انت مش لوحدك محتاج شويه حنان من بتاع مامته اللي كانت بتديهوله يوم الامتحان الصبح فيطلع مطمن وواثق بعد ما يكون مقلق ومش واثق النوع ده حلو وكويس وعايزك في نوع تاني بقي هتلاقيه بيرد بسرعه كده وباحلي كلام في الدنيا علي سوال الجواز ده تخافي منه الي ان يثبت العكس غالبا دي كليشيهات حافظها وبيرجعها في وشك وغالبا انتي مش هتبقي مقتنعه من جواكي بس حلاوه الكلام هتقنعك وبرضه علشان منظلمش حد شغلي عقلك وحكمي الحاسه السادسه وذكاء الست وانتي هتتاكدي اذا كان بيتكلم بجد ولا بيلعب بيكي
ويتينج نص الليل ده بقي مشكله احب اقولك انه مفيش ولد في الدنيا بيحب الرغي وتحديدا رغي التليفونات وان الولاد الرغايين مكروهين جدا بين صحابهم ومحدش بيكلمهم وان مفيش اتنين ولاد اصلا المكالمه بينهم بتزيد عن 5 دقايق بالذات في نص الليل علشان كده احب اقولك لو لقيتي تليفونه ويتينج كذا مره في اوقات متاخره اعرفي انه في حد تاني مش عارف بصراحه رد فعلك هيبقي عامل ازاي بس لازم تتصرفي من المنطلق ده ان في حد تاني .
تعالي بقي للغيره بصي جربي التيست ده كده لو انتوا الاتنين ماشيين مع بعض في الشارع او قاعدين في مكان عام خل عينك عليه لما حد يبصلك بصه من اللي انتي عارفاها دي هتلاقي نظرته اتغيرت غصب عنه تلقائي كده وهتلاقيه بيبص بصه تحدي للولد اللي بصلك ده معناها ببساطه انك بتاعته وانه هيعمل جنايه لو فضلت باصصلها لو لاحظتي البصه دي في عينه اوعي تسيبيه الولد ده بيحبك اما لو ماشيين وعنده لا مبالاه طول الوقت وماشي فرحان جدا ان الناس بتبص للحاجه الحلوه اللي معاه وبتحسده انه ماشي مع المزه يبقي الولد ده بيتسلي
في حاجه مهمه هتلاقيها بتحصل عفويه كده وبتتكرر كذا مره وهي ان الولد لو حصلتله حاجه حلوه او جاله خبر يفرحه هتلاقي اول حد بيكلمه انتي مش اهله ولا حد من صحابه ولا انتيمه وكذلك برضه لو حاجه مضايقاه دايما هيحكيها ليكي انتي قبل اي حد الولاد عموما مش بتحب تبان ضعيفه في كلامهم مع بعض او حتي كلامهم مع اي حد غير في حالتين اهله او حبيبته لو حكالك مواقف كان فيها ضعيف او حاحات حصلتله حاسه انه بيبقي مكسور وهوا بيحكيها يبقي الولد ده بيموت فيكي اما بقي لو كلامه كله عن التهييس والمسلسلات التركي وفيلم نوتبوك فاعرفي ان الولد ده لسه بيعيش سن الطفوله وانك مش في دماغه
كمان عايز اقول حاجه مهمه لو حصل وساعات لقيتيه بيتصل بيكي في اوقات غريبه علشان بس يقولك بحبك ويقفل فالولد ده فعلا بيحبك ممكن تكونوا لسه سايبين بعض من ساعه او لسه مخلصين تليفون من 10 دقايق مجرد بس انه بيقول كده يبقي عايز يحس انك موجوده وعايز يحس بامان مش موجود غير معاكي انتي بس الولد ده ميمنفعش تسيبيه خالص الولد ده حياته متوقفه عليكي اما بقي لو بيقولك بحبك في اول المكالمه واخرها كده كانه بيسمع كلام حافظه او بيرضيكي وخلاص فده للاسف مش بيحبك.
الخلاصه بقي انالحكم دايما بيبقي لذكائك وعقلك والحاسه السادسه بتغاعتك رادار الانثي اللي عندك ده هعرفك كل حاجه حاولي تشغليه وبلاش تعطليه علشان مشاعرك بتقولك حاجه تانيه حلو انك تخلي مشاعرك هي القائد بس بعد ما تتاكدي من مشاعر اللي قدامك بلاش تدي حاجلات كتير لحد ميستاهلهاش علشان مترجعيش بعد كده وتندمي , في ولاد كتير بتعرف كويس اوي ازاي تضحك علي البنت اللي قدامهم وبتبقي قاصده ده لاسباب مختلفه معقدين بقي موذيين بطبعهم ايا كان السشبب ه مش موضوعنا موضوعنا انهم بيبقوا عارفين كل اللي انا كاتبه ده وبيعملوه وبعد ما تتعلقي بيهم تلاقيهم مش موجودين الحب مفيهوش قواعد القاعده الوحيده في الحب هو انتي .
كلمه اخيره للرجاله بقي لو مش هتكمل مع واحده متعلقهاش بيك ريح نفسك وريحها من الاول هما مش ناقصين كفايه عليهم ضغط اهلهم وكب\ت المجتمع خليك راجل وساعدهم متبقاش عيل وتلعب بيهم .
الولد لما بيحب بيبقي عامل ازاي ؟؟ ده سوال بتساله كل البنات وقررت اجاوب عليه النهارده بالمقلوب يعني لو عمل حاجه من الحاجات دي اعرفي انه مش بيحبك .
مبدئيا كده الولد لما بيحب بيبقي نفسه يخبي اللي بيحبها دي من الدنيا كلها نفسهياخدها علي جزيره محدش يعرف اسمها اصلا ويعيشوا هما الاتنين مع بعض وبس نفسه مفيش عين تشوفها غير عينه ولا حد يفكر فيها اصلا غيره وده عكس البنت اللي لما بتحب حد بتبقي نفسها الدنيا كلها تشوفهم مع بعض وتحسدها انه اختارها هيا علشان يكملوا مع بعض فمن الاخر الولد لما هيحب مش هيجيب سيره اللي بيحبها قدام صحابه ولا هيحكي عنها لحد غير مثلا اخته او حد زي اخته مشس هيحب انها تكون شاغله تفكير حد تاني غيره فعلشان كده لو عرفتي انه جاب سيرتك قدام صحابه مثلا يبقي فاكس اعرفي ان الباشا بيتسلي.
بالنسبه بقي لموضوع الجواز فكل ولد في الدنيا بيخاف جدا من مسئوليه الجواز بس عمر ما هتلاقي ولد عنده شجاعه انه يقول كده دايما هيتقمص شخصيه انا قدها وقدود بس هوا من جواه مرعوب من مجرد فكره انه يشيل مسئوليه حد تاني علشان كده لما تفتحي معاه الموضوع ده هتلاقيه مقلق كده ومحتاج تشجيع محتاج لمسه كده تطمنه وتقوله انت مش لوحدك محتاج شويه حنان من بتاع مامته اللي كانت بتديهوله يوم الامتحان الصبح فيطلع مطمن وواثق بعد ما يكون مقلق ومش واثق النوع ده حلو وكويس وعايزك في نوع تاني بقي هتلاقيه بيرد بسرعه كده وباحلي كلام في الدنيا علي سوال الجواز ده تخافي منه الي ان يثبت العكس غالبا دي كليشيهات حافظها وبيرجعها في وشك وغالبا انتي مش هتبقي مقتنعه من جواكي بس حلاوه الكلام هتقنعك وبرضه علشان منظلمش حد شغلي عقلك وحكمي الحاسه السادسه وذكاء الست وانتي هتتاكدي اذا كان بيتكلم بجد ولا بيلعب بيكي
ويتينج نص الليل ده بقي مشكله احب اقولك انه مفيش ولد في الدنيا بيحب الرغي وتحديدا رغي التليفونات وان الولاد الرغايين مكروهين جدا بين صحابهم ومحدش بيكلمهم وان مفيش اتنين ولاد اصلا المكالمه بينهم بتزيد عن 5 دقايق بالذات في نص الليل علشان كده احب اقولك لو لقيتي تليفونه ويتينج كذا مره في اوقات متاخره اعرفي انه في حد تاني مش عارف بصراحه رد فعلك هيبقي عامل ازاي بس لازم تتصرفي من المنطلق ده ان في حد تاني .
تعالي بقي للغيره بصي جربي التيست ده كده لو انتوا الاتنين ماشيين مع بعض في الشارع او قاعدين في مكان عام خل عينك عليه لما حد يبصلك بصه من اللي انتي عارفاها دي هتلاقي نظرته اتغيرت غصب عنه تلقائي كده وهتلاقيه بيبص بصه تحدي للولد اللي بصلك ده معناها ببساطه انك بتاعته وانه هيعمل جنايه لو فضلت باصصلها لو لاحظتي البصه دي في عينه اوعي تسيبيه الولد ده بيحبك اما لو ماشيين وعنده لا مبالاه طول الوقت وماشي فرحان جدا ان الناس بتبص للحاجه الحلوه اللي معاه وبتحسده انه ماشي مع المزه يبقي الولد ده بيتسلي
في حاجه مهمه هتلاقيها بتحصل عفويه كده وبتتكرر كذا مره وهي ان الولد لو حصلتله حاجه حلوه او جاله خبر يفرحه هتلاقي اول حد بيكلمه انتي مش اهله ولا حد من صحابه ولا انتيمه وكذلك برضه لو حاجه مضايقاه دايما هيحكيها ليكي انتي قبل اي حد الولاد عموما مش بتحب تبان ضعيفه في كلامهم مع بعض او حتي كلامهم مع اي حد غير في حالتين اهله او حبيبته لو حكالك مواقف كان فيها ضعيف او حاحات حصلتله حاسه انه بيبقي مكسور وهوا بيحكيها يبقي الولد ده بيموت فيكي اما بقي لو كلامه كله عن التهييس والمسلسلات التركي وفيلم نوتبوك فاعرفي ان الولد ده لسه بيعيش سن الطفوله وانك مش في دماغه
كمان عايز اقول حاجه مهمه لو حصل وساعات لقيتيه بيتصل بيكي في اوقات غريبه علشان بس يقولك بحبك ويقفل فالولد ده فعلا بيحبك ممكن تكونوا لسه سايبين بعض من ساعه او لسه مخلصين تليفون من 10 دقايق مجرد بس انه بيقول كده يبقي عايز يحس انك موجوده وعايز يحس بامان مش موجود غير معاكي انتي بس الولد ده ميمنفعش تسيبيه خالص الولد ده حياته متوقفه عليكي اما بقي لو بيقولك بحبك في اول المكالمه واخرها كده كانه بيسمع كلام حافظه او بيرضيكي وخلاص فده للاسف مش بيحبك.
الخلاصه بقي انالحكم دايما بيبقي لذكائك وعقلك والحاسه السادسه بتغاعتك رادار الانثي اللي عندك ده هعرفك كل حاجه حاولي تشغليه وبلاش تعطليه علشان مشاعرك بتقولك حاجه تانيه حلو انك تخلي مشاعرك هي القائد بس بعد ما تتاكدي من مشاعر اللي قدامك بلاش تدي حاجلات كتير لحد ميستاهلهاش علشان مترجعيش بعد كده وتندمي , في ولاد كتير بتعرف كويس اوي ازاي تضحك علي البنت اللي قدامهم وبتبقي قاصده ده لاسباب مختلفه معقدين بقي موذيين بطبعهم ايا كان السشبب ه مش موضوعنا موضوعنا انهم بيبقوا عارفين كل اللي انا كاتبه ده وبيعملوه وبعد ما تتعلقي بيهم تلاقيهم مش موجودين الحب مفيهوش قواعد القاعده الوحيده في الحب هو انتي .
كلمه اخيره للرجاله بقي لو مش هتكمل مع واحده متعلقهاش بيك ريح نفسك وريحها من الاول هما مش ناقصين كفايه عليهم ضغط اهلهم وكب\ت المجتمع خليك راجل وساعدهم متبقاش عيل وتلعب بيهم .
